Ny digital løysing for advokatoppdrag starta 15. oktober 2025 eller seinare
Den 15. oktober 2025 lanserast rettshjelpsportalen, som er ei ny digital løysing for innsending av rettshjelpssaker. Bakgrunnen for overgangen til rettshjelpsportalen er at det er gjort grunnleggjande endringar i det økonomiske vilkåret og i ordninga for betaling av eigenandel.
Advokatoppdrag starta 15. oktober 2025 eller seinare
Dersom advokatoppdraget starta 15. oktober 2025 eller seinare skal du bruke den nye rettshjelpsportalen.
I rettshjelpsportalen kan du sende inn eigeninnvilga vedtak, søknadar og salæroppgåver. Portalen er obligatorisk å bruke for advokatar. I løysinga vil du få ei førebels berekning av om søkjaren oppfyller det økonomiske vilkåret og kor stor eigenandelen blir. Privatpersonar og tolkar registrert i tolkeregisteret kan òg sende inn via portalen.
Kalkulator for berekning av betalingsevne og eigenandel
Dersom du ønskjer å undersøke om søkjaren oppfyller det økonomiske vilkåret og størrelsen på eigenandelen før du sender inn ein sak, kan du bruke rettshjelpskalkulatoren. Kalkulatoren gjer ei førebels berekning av betalingsevne og eigenandel.
Kalkulatoren finn du når du har logga inn i rettshjelpsportalen. Her kan du søkje på personnummer og få opp dei økonomiske opplysningane automatisk, forutsett at søkjaren har skattedata. Eventuelle endringar i økonomien må korrigerast for å få riktig resultat.
Kalkulatoren kan òg brukast utan innlogging, men då må dei økonomiske opplysningane fyllast inn manuelt.
Treng du meir informasjon?
Du finn meir informasjon i Sivilrettsforvaltninga sitt rundskriv SRF-1/2025 og på sivilrett.no.